ཁྲི་སྲོང་ལྡེའུ་བཙན།
༣༥༽ ཉིན་ཞིག་རྒྱལ་པོ་དང་མཁན་པོས་གཙུག་ལག་ཁང་ཞིག་བཞེངས་རྒྱུའི་བཀའ་མོལ་གནང་བཞིན་ལྗོངས་རྒྱུར་ཕེབས་སྐབས། གློ་བུར་དུ་སྤྲིན་ནག་འཁྲུགས་ཏེ་དམར་པོ་རིར་ཐོག་བརྒྱབ་པ་དང༌། སེར་བ་དྲག་ཏུ་བབས་ཏེ་ལོ་ཏོག་བཅོམ།
༣༦༽ དེ་ལྟར་ལོ་ཉེས་དང་མི་ནད་སོགས་ལྟས་ངན་པ་མང་དུ་བྱུང་བས་བོན་པོ་ཚོས་རྒྱལ་པོས་ཆོས་བྱས་པས་ལན་པ་རེད་ཅེས་མི་མང་ལ་རྣམ་རྟོག་བསླངས་ནས་སྤྱི་ཚོགས་ཟང་ཟིང་དུ་གྱུར་ཏེ་བཙན་པོས་དམ་ཆོས་བྱེད་པར་བར་ཆད་བྱུང༌།
༣༧༽ དེར་མཁན་པོས་བཅན་པོ་ལ། བོད་འདིར་ལྷ་འདྲེ་གདུག་པ་ཅན་མང་བ་དང༌། བོན་ལའང་མཐུ་ཆེ་བས་གནོད་པ་མང༌། དེ་དག་འདུལ་བ་ལ་ཨོ་རྒྱན་གྱི་ཡུལ་ནས་གུ་རུ་པད་མ་འབྱུང་སྤྱན་འདྲེན་དགོས་ཚུལ་ཞུས།
༣༨༽ སླར་ཡང་སྦ་གསལ་སྣང་སོགས་ཨོ་རྒྱན་ཡུལ་དུ། སློབ་དཔོན་པདྨ་འབྱུང་གནས་སྤྱན་འདྲེན་དུ་ཆས། སློབ་དཔོན་གྱིས་མངོན་ཤེས་ཀྱིས་མཁྱེན་ནས་རྫུ་འཕྲུལ་གྱིས་གཤེགས་འོང་བར་ཚང་མ་དགའ་མཚར་ཆེན་པོས་གུས་ཕྱག་འཚལ།
༣༩༽ ཆུ་སྟག་(ཕྱི་ལོ་༧༦༢)ལོར། ཨོ་རྒྱན་པད་མ་འབྱུང་གནས་ཟུར་མཁར་དུ་ཕེབས་འབྱོར་བྱུང་བར་རྒྱལ་བློན་འབངས་དང་བཅས་ཕེབས་བསུ་གཟབ་རྒྱས་ཞུས། རལ་པ་ཆེ་བ་སོགས་དྲག་པོའི་བརྗིད་ཉམས་ཆེ་བས་ཀུན་ཟིལ་གྱིས་མནན།
For the audio files